युनिकोड
नेकपा (एमाले) का पूर्वउपाध्यक्ष भीम रावल नेतृत्वको ‘मातृभूमि जागरण अभियान, नेपाल’ नेपाली कम्युनिस्ट पार्टीमा समायोजन भएको छ।
बुधबार राष्ट्रिय सभागृहमा नेपाली कम्युनिस्ट पार्टी र रावल नेतृत्वको अभिायनबीच औपचारिक कार्यक्रम आयोजना गरि एकता घोषणा गरिएको हो।
यसअघि नेकपाको मुख्यालय पेरिसडाँडामा आयोजित कार्यक्रममा एक कार्यक्रममा ७ बुँदे सहमति पत्रमा हस्ताक्षर गरी रावल नेकपामा समायोजित हुने घोषणा गरेका थिए ।
सहमति पत्रमा नेपाली कम्युनिस्ट पार्टीका तर्फबाट संयोजक पुष्पकमल दाहाल ‘प्रचण्ड’ र सहसंयोजक माधवकुमार नेपालले हस्ताक्षर गरेका छन्।
सम्झौतामा ६ महिनाभित्र राष्ट्रिय एकताको महाधिवेशन गर्ने, सामूहिक नेतृत्व प्रणाली हुने र रावलको जिम्मेवारी चाँडै टुंग्याउने उल्लेख गरिएको छ।
नेकपामा रावल छैटौं वरियतामा रहने नेकपाका नेताहरू बताउँछन्।
यसअघि तत्कालीन नेकपा एमाले र माओवादी केन्द्रबीच बनेको नेपाल कम्युनिस्ट पार्टी (नेकपा) का पाँच जना सचिवालय सदस्यहरू प्रचण्ड र नेपालसहित झलनाथ खनाल, वामदेव गौतम र नारायणकाजी श्रेष्ठ यही पार्टीमा छन्। श्रेष्ठपछिको वरियतामा रावल हुनेछन्।
प्रतिक्रिया