युनिकोड
राष्ट्रिय स्वतन्त्र पार्टीका सांसद शिशिर खनालले रास्वपाले ०८४ मा रास्वपाले १९० सिट ल्याउने दाबी गरेका छन्।
१९ जना सांसदहरुले अहिलेका बाँकी सांसदहरुलाई चुनौति दिइरहेको भन्दै उनले १९० जना सांसद आउँदा के अवस्था हुन्छ भन्दै प्रश्न समेत गरे।
‘राष्ट्रिय स्वतन्त्र पार्टी आज देशको प्रमुख प्रतिपक्ष दल नै हो जस्तो भान हुन्छ, तर संख्याको हिसाबले त होइन,’ खनालले भने, ‘संख्याको हिसाबले हामी जम्मा २१ जना सांसद हो। त्यसमाथि रविजीलाई निलम्वित गरिदिएका छन्। एक जना उपसभामुख हुनुहुन्छ, बाँकी रहेको १९ जना। १९ जनामाथि यति गाली बर्सिन्छ। आज मानिलिऔँ सबै देशको बेथितिको कारण राष्ट्रिय स्वतन्त्र पार्टी नै हो जस्तो गरेर कांग्रेस, एमालेका नेताहरु आजकाल हरेक दिन हामीलाई गाली वर्षाउनुहुन्छ। हाम्रो १९ जना देखेर मानिस डराएका होइनन्, हालाँकी १९ जनाले पनि तर्साइ त राखेका छौँ तर उहाँहरुको मनमा के ढ्याँग्रो पिट्न थाल्यो भने १९ को सट्टा १९० आउने भए यिनीहरु। १९ को सट्टा अब ०८४ मा १९० हुने भए। १९ ले त यस्तो धौधौ पार्दछन्, १९ ले त यस्ता अफ्ठयारा अफ्ठ्यारा प्रश्न सोध्छन्, १९० जना राष्ट्रिय स्वतन्त्र पार्टीका सांसद प्रतिनिधि सभामा हुँदा के हुन्थ्यो होला?’
सांसद खनालले कार्यकर्ताहरुलाई विचलित नभइ अघि बढ्न निर्देशन दिए। उनले नेताहरुमाथि जति पनि आक्रमण हुन्छ त्यो नेताहरु सफल हुनुको मानक भएको जिकिर समेत गरे।
प्रतिक्रिया