युनिकोड
नेकपा एमालेका केन्द्रीय सदस्य केदार न्यौपानेले पूर्वराष्ट्रपति विद्या भण्डारी पार्टी राजनीतिमा फर्किँदा पार्टी नै बलियो हुने बताएका छन्।
जारी केन्द्रीय समितिको बैठकमा बोल्दै नेता न्यौपानेले भण्डारीको सदस्यताको विषयमा विवाद गर्न नहुने बताएका हुन्।
'विद्या भण्डारी पार्टीमा लाग्दा यो पार्टी बलियो नै हुन्छ। राष्ट्रपति बनाउने निर्णय पार्टीले गरेको हो। उहाँले त्याग्नु भएको सदस्यताको कुरा प्राविधिक कुरा हो। त्यसैले उहाँको पार्टी सदस्यतालाई विवादको विषय नबनाइयोस्। उहाँलाई पार्टीमा स्वागत गरियोस्।'
विद्या भण्डारी पछिल्लो समय घोषणा गरेरै सक्रिय राजनीतिमा लागेकी छन्। एमालेमा उनको सदस्यता नवीकरणको विषयमा विवाद छ।
प्रतिक्रिया