युनिकोड
नेपाल समाजवादी पार्टी (नयाँ शक्ति) का अध्यक्ष एवं पूर्वप्रधानमन्त्री डा. बाबुराम भट्टराईले ब्रिटिस गोरखाहरुलाई वंशजको आधारमा नै नागरिकता दिनुपर्ने बताएका छन्।
शनिबार ललितपुरमा आयोजित सुगौली सन्धि र नेपालमा नागरिकता पुस्तक विमोचन कार्यक्रमलाई सम्बोधन गर्दै उनले रगतको आधारमा प्राप्त गर्ने अधिकार कसैले खोस्न नसक्ने उल्लेख गरे।
हिम्मत र शाहस भए ब्रिटिस गोरखा भर्ती बन्द गर्न आग्रह र्दै भट्टराईले संसारमा राष्ट्रिय राज्य रहेसम्म प्रत्येक मानिसको नागरिकता हुने जिकिर गरे।
भट्टराईले थपे, ‘उसले रगतको आधारमा जुन प्राप्त गर्ने अधिकार हुन्छ, त्यो कसैले खोज्न सक्दैन। एलन मस्कको तीन वटा देशको नागरिकता छ। बाउ दक्षिण अफ्रिाकाको भएकाले वंशजको आधारमा नागरिकता छ। आमा क्यानडेली भएकाले वंशजको आधारमा नागरिकाता छ। पछि अमेरिकामा गएर बसोवास गरे, त्यहाँ उनको अंगीकृत नागरिकता छ।’
उनले नेपालकै नागरिकको नागरिकता खोस्ने अधिकार कसैलाई नरहेको समेत बताए। ‘एकातिर हामीले आफ्नो देशको नागरिकलाई पठाउने, कि त पठाउनै हुँदैन थियो,’ भट्टराईले भने, ‘हाम्रो हिम्मत र शाहस छ भने गरौँ, होइन भने उनीहरु त्यहाँ जाने, त्यत्रो योगदान गर्ने, उनीहरुले प्रकारान्तले नागरिकता खोस्नेकुरा भएको छ। त्यसलाई सच्याऔँ। नत्र भने हाम्रै देशका नागरिकमाथि अन्याय गर्ने अधिकार हामीलाई छैन। यो लोकतन्त्र हो। सबैले लडेर ल्याएको। संविधानमै कसैलाई पनि नागरिकताबाट वञ्चित गर्न सकिँदैन भनेर लेखिएको छ।’
प्रतिक्रिया