गगन थापाको सरकारलाई आग्रहः लकडाउनका बेला ठूलो संख्यामा परिक्षण गरौं

नेपाली कांग्रेसका नेता तथा सांसद गगन थापाले सरकारलाई यो लकडाउनको अवधिमा ठूलो संख्यामा परिक्षण (मास टेस्टिङ) मा जोड दिन आह्वान गरेका छन्।

उनले यो लकडाउनको समयलाई नेपालमा राम्रोसँग सदुपयोग गर्न नसकेको समेत बताएका छन्।

‘यो चरणमा लकडाउन गर्नै पर्ने थियो। तर, यो लकडाउनको अवधिमा हामीले पाएको समयलाई सदुपयोग गर्नबाट हामी चुकेका छौं। अब नतिजामूलक कामतर्फ लागौं,’ पूर्वस्वास्थ्यमन्त्री समेत रहेका थापाले ट्विटरमा लेखेका छन्। ‘सरकार मास परिक्षण र बिग डेटालाई जोड दिन म सरकारलाई पुनः आग्रह गर्छु।’