युनिकोड
कोरोना भाइरससँग जुध्न चीनले मास्क, भेन्टिलेटर, प्रोटेक्टिभ कपडासहितका सामग्री पठाएको जनाएको छ।
काठमाडौँस्थित चिनियाँ दूतावासले जनाएअनुसारआइतबार बिहान काठमाडौँ आइपुगेका सहयोग सामग्रीमा २४ हजार डिस्पोजेबल सर्जिकल मास्क, २० हजार डिस्पोजेबल मास्क, २ हजार एन९५ मास्क, ५ सय प्रोटेक्टिभ गगल्स, १ सय इन्फ्रारेड थर्मोमिटर, १ सय इयर थर्मोमिटर र ४ सय बक्स क्लोरोक्वाइन छ।
त्यस्तै ५३० प्रोटेक्टिभ कपडा, र एक पोर्टेबल भेन्टिलेटर पनि काठमाडौँ आइपुगेको दूतावासले जनाएको छ।
ती सामग्री नेपालका लागि चिनियाँ राजदूत होउ यान्छीले स्वास्थ्यमन्त्री भानुभक्त ढकाललाई हस्तान्तरण गरेकी थिइन्।
यो सहयोग चेङ्दु सहर, सिचुवानस्थित प्रान्तीय लगानी समूह र चिनियाँ दूतावसले गरेको जनाइएको छ।
त्यस्तै ज्याक मा फाउन्डेसनले सहयोग गरेको १ लाख एन९५ मास्क पनि सोही विमानमा आइपुगेको छ।
आगामी दिनमा २ हजार कोरोना टेस्ट किटसहितका सामग्री आउने दूतावासको भनाइ छ।
प्रतिक्रिया