ट्रम्पले ‘चिनियाँ भाइरस’ भनेपछि चीनको विरोध, भन्योः तुरुन्त गल्ती सच्याऊ

अमेरिकी राष्ट्रपति डोनाल्ड ट्रम्पले कोरोना भाइरसलाई ‘चिनियाँ भाइरस’ भनेपछि चीनले त्यसको विरोध गरेको छ।

चिनियाँ विदेश मन्त्रालयका प्रवक्ता गेङ सुआङले ट्रम्पको भनाइको भर्त्सना गरे।

‘विश्व स्वास्थ्य संगठन र अन्तर्राष्ट्रिय समुदाय भाइरसलाई कुनै एक मुलुकसँग जोड्ने र त्यो मुलुकलाई बदनाम गर्ने प्रयासको विपक्षमा छन्,’ विदेश मन्त्रालयको पत्रकार सम्मेलनमा गेङले भने, ‘हामी अमेरिकालाई आफ्नो गल्ती तत्काल सच्याउन र चीनविरुद्ध आधारहीन आरोप लगाउन बन्द गर्न आग्रह गर्छौँ।’

‘अमेरिकाले पहिले उचित काम गर्नुपर्छ। त्यसपछि महामारीविरुद्धको लडाइँमा अन्तर्राष्ट्रिय समुदायसँग मिलेर रचनात्मक भूमिका निर्वाह गर्नुपर्छ,’ उनले थपे। एजेन्सी