प्रधानमन्त्रीको चीन भ्रमणको समीक्षा गर्न एमालेले बोलायो सचिवालय बैठक

नेकपा (एमाले)ले केन्द्रीय सचिवालय बैठक आह्वान गरेको छ। यही मंसिर २५ गते बस्नेगरि बैठक आह्वान गरिएको एमालेले जनाएको छ। 

पार्टी कार्यालयका सचिव डा.भीष्म अधिकारीले मङ्सिर २५ गते दिउँसो ४ बजे सचिवालय बैठक डाँकिएको जानकारी दिए। 

बैठकमा प्रधानमन्त्री एवं एमाले अध्यक्ष केपी शर्मा ओलीको चीन भ्रमण, उपनिर्वाचन र समसामयिक राजनीतिक विषयमा छलफल हुनेछ। बैंठक ललितपुर, च्यासलस्थित एमाले केन्द्रीय कार्यालयमा बस्ने अधिकारीले बताए।