विधायन व्यवस्थापन समितिको बैठक बस्दै

राष्ट्रिय सभाको विधायन व्यवस्थापन समितिको बैठक आज बस्दैछ। 

सिंहदरबारस्थित समितिको हलमा बुधबार दिउँसो १ बजेका लागि बैठक बोलाइएको छ। आजको बैठकमा समितिको कार्यविधि सम्बन्धमा छलफल हुने कार्यसूची छ। 

विधायन व्यवस्थापन समितिका उपसचिव नुमराज खनालका अनुसार समितिको आन्तरिक कार्यविधिका विषयमा आज छलफल हुन लागेको हो।  

२०७५ मा बनेको कार्यविधि अनुसार हाल समिति चलिरहेको छ। समितिको नयाँ कार्यविधि (२०८१) को ड्राफ्ट तयार भएको र त्यसैमा आज छलफल हुने खनालले जानकारी दिए।