युनिकोड
प्रधानमन्त्री केपी शर्मा ओलीले हेलिकप्टर दुर्घटनामा परेर बाँचेको कारणले पनि आफूलाई कसैको डरभर नभएको बताएका छन्।
शनिबार काठमाडौँमा क्याप्टेन रामेश्वर थापाको पुस्तक विमोचन समारोहमा सम्बोधन गर्ने क्रममा प्रधानमन्त्री ओलीले कुनै पनि घटनाको अन्तर्यमा पुग्नेबित्तिकै धेरैलाई धेरै चिज मन नपर्न सक्ने बताउँदै यस्तो बताएका हुन्।
‘म पनि हेलिकोप्टर दुर्घटनामा परेको हुँ, ५ हजार फिटबाट झरेको हुँ। फेरि पनि बँचे, फाउकै जीन्दगी हो। त्यसकारण धेरै डरभर मलाई पनि छैन,’ प्रधानमन्त्री ओलीले भने।
उनले क्याप्टेन थापातर्फ हेरेर बल्दाबल्दैको हेलिकप्टर दुर्घटनाबाट बँचेर आएको भन्दै डराउनुपर्ने कुनै कारण नरहेको सम्बोधनको क्रममा बताए।
‘यहाँ त मुख्य मुख्य घटनाको मात्रै वर्णन गरिएको छ। यो घटनाको अन्तर्यमा पस्नेबित्तिकै कतिलाई मन नपर्ने कुरा हुन्छ हुन्छ,’ प्रधानमन्त्री ओलीले भने, ‘यसकारण, एकबारको जीन्दगी त्यत्रो हेलिकप्टर बल्दाबल्दैको जीन्दगी बचेर आउनुभएको छ। डराउनुपर्ने अवस्थै छैन। सत्यको अवलम्बन गर्नुस् अगाडि बढ्नुस्।’
प्रतिक्रिया