मोदीले भनेः सामाजिक सञ्जाल छाड्नेबारे विचार गर्दैछु

भारतीय प्रधानमन्त्री नरेन्द्र मोदीले सामाजिक सञ्जाल त्याग्नसक्ने संकेत दिएका छन्।

उनले सोमबार ट्विटरमार्फत फेसबुक, ट्विटर, इन्स्टाग्राम र युट्युबमा रहेको आफ्नो अकाउन्ट बन्द गर्ने विषयमा आफूले विचार गरिरहेको जानकारी दिएका छन्।

उनले आगामी आइतबारदेखि सामाजिक सञ्जाल छोड्ने र त्यसबारे आफूले जानकारी दिँदै जाने जनाएका छन्।

This Sunday, thinking of giving up my social media accounts on Facebook, Twitter, Instagram & YouTube. Will keep you all posted.

— Narendra Modi (@narendramodi) March 2, 2020

मोदी सामाजिक सञ्जालमा सबैभन्दा धेरै फलोअर्स भएका नेतामध्ये पर्छन्।

ट्विटरमा सोमबार साँझसम्म उनको ५ करोड ३३ लाख फलोअर्स छन् भने फेसबुकमा ४ करोड ४० लाख।