सर्वोच्च अदालतका न्यायाधीश अनिल कुमार सिन्हा अनिवार्य अवकासमा गएका छन्।

६५ वर्षे उमेर हदका कारण कात्तिक १५ गतेदेखि अनिवार्य अवकासमा जाने सिन्हालाई मंगलबार सर्वोच्च अदालतमा एक कार्यक्रमकाबीच बिदाई गरिएको छ।

• 

  सर्वोच्चमा एकतिहाइ न्यायाधीश घटे, संविधानको उपहास, चलखेललाई मौका

सर्वोच्चका कायममुकायम प्रधानन्यायाधीश ईश्वरप्रसाद खतिवडाले सिन्हालाई सम्मानसहित बिदाई गरेका हुन्। न्यायाधीश सिन्हा वरिष्ठताक्रममा चौथो वरियतामा थिए।

सिन्हा २०७३ साउन १७ गते सर्वोच्च अदालतको न्यायाधीश नियुक्त भएका थिए। त्यसअघि उनी ४ वर्षदेखि वरिष्ठ अधिवक्ता थिए।

सिन्हा राजश्व र वाणिज्यका विषयमा विशेष दखल राख्छन्।