अबको एक महिनाभित्रै नागरिकता विधेयक टुंगो लाग्छ : प्रधानमन्त्री

उनले सिधै राष्ट्रपति रामचन्द्र पौडेलबाट या सदनबाट संकल्प प्रस्तावमार्फत नागरिकता विधेयक पारित गर्ने विकल्प रहेको पनि खुलाए। 

अरु कुनै प्रस्तावमार्फत् राष्ट्रपतिलाई विधेयक प्रमाणीकरण गर्न अनुरोध गर्ने अर्को बाटो हुनसक्ने पनि उनले बताए। 

‘अर्को क्याबिनेटबाट डिसिजन गरेर राष्ट्रपतिसँग अनुरोध गर्ने पनि एउटा बाटो हुनसक्छ । तर अब त्यो विधेयकलाई खारेज गरेर फेरि अर्को विधेयक ल्याउने मत पनि छन्। फेरि सदनमा अर्को विधेयक ल्याएर त्यो जिरोमा गयो’, उनले भने, ‘जिरोमा गइसकेको, मृत भइसकेको विधेयकलाई जीवित मान्न सकिँदैन भन्ने मत पनि सदनभित्र र बाहिर पनि छ। यो विषयमा छलफल चलेको छ। प्रधानमन्त्रीको हैसियतले एक महिनाभित्रै यसको टुंगो लाग्ने प्रतिबद्धता जनाउँछु।’

उनले नयाँ विधेयक ल्याउनुपर्ने मतसमेत रहेको भन्दै विभिन्न सम्भावनाहरुमा छलफल भइरहेको बताए।