सिलिन्डर ग्यास विस्फोट भएपछि घाइते भएका नेपाली कांग्रेसका नेता तथा प्रतिनिधिसभा सदस्य चन्द्र भण्डारीको स्वास्थ्य अवस्था बुझ्न सभापति शेरबहादुर देउवा कीर्तिपुर अस्पताल पुगेका छन्।
बिहीबार बिहान उनी अस्पताल पुगेका हुन्। सभापति देउवाले कीर्तिपुर अस्पतालमा उपचाररत भण्डारी र उनको आमाको स्वास्थ्य अवस्थाबारे जानकारी लिएका छन्।
त्यस्तै, अर्थमन्त्री विष्णुप्रसाद पौडेल, स्वास्थ्यमन्त्री पदम गिरी लगायत दलका नेताहरू कीर्तिपुर अस्पताल पुगेका हुन्।
सांसद भण्डारी र उनकी आमा हरिकला भण्डारी खाना पकाउने ग्याँस सिलिण्डर विस्फोटबाट गएराति घाइते भएका थिए।
लगत्तै, उनलाई कीर्तिपुर बर्न अस्पतालमा उपचारका लागि पुर्याइएको थियो।
अस्पतालले अवस्था गम्भीर भएको भन्दै देशबाहिरको सुविधा सम्पन्न अस्पतालमा उपचारका लागि लैजान सुझाव दिएको छ।
Shares
प्रतिक्रिया