युनिकोड
सत्ता साझेदार सात दलले मन्त्रालय बाँडफाँट गर्दा नेकपा एमालेले ८ मन्त्रालय पाएको छ।
नेकपा माओवादी केन्द्रको भागमा संचार, पर्यटन र रक्षा मन्त्रालय परेको छ।
सोमबार प्रधानमन्त्री निवास बालुवाटारमा बसेको सत्ता साझेदार दलको बैठकले सो निर्णय गरेको हो।
रवि लामिछाने नेतृत्वको राष्ट्रिय स्वतन्त्र पार्टीले उपप्रधान तथा गृहबाहेक शिक्षा र श्रम मन्त्रालय पाएको छ।
उपप्रधानमन्त्री एवं गृहमन्त्री सहित सरकारमा रहेको रास्वपाले थप २ मन्त्रालय पाएको हो। सोमबार बसेको सत्ता साझेदार दलको बैठकले श्रम र शिक्षा मन्त्रालय रास्वपालाई दिने निर्णय गरेको हो।
उता राष्ट्रिय प्रजातान्त्र पार्टीले पनि तीन मन्त्रालय पाएको छ। अध्यक्ष राजेन्द्र लिङ्देन उपप्रधान तथा ऊर्जामन्त्री बन्ने भएका छन्। साथमा सहरी विकास र खेलकुद मन्त्रालय राप्रपाको भागमा परेको छ।
जनता समाजवादी पार्टीलाई २ मन्त्रालय दिने निर्णय भए पनि ऊ सहमत भएको छैन।
एक सांसदका अनुसार मन्त्रीहरुबारे भोलि बिहान पार्टीको बैठक बसेर निर्णय गरिनेछ।
' हाम्रो दलको भागमा श्रम र शिक्षा मन्त्रालय परेको छ, अहिले मन्त्रीहरुबारे कुनै निर्णय भएको छैन, एक सांसदले नेपालखबरसँग भने, अब भोलि बिहान बैठक बसेर नाम फाइनल गर्छौ ।'
मंगलबार दिउँसो १ बजे नयाँ मन्त्रीहरुको शपथ कार्यक्रम राखिएको छ।
प्रतिक्रिया