नेपाली कांग्रेसका वरिष्ठ नेता रामचन्द्र पौडेल र पूर्वमहामन्त्री डा. शशांक कोइरालाबीच भेटवार्ता भएको छ।
महाराजगञ्जस्थित कोइराला निवासमा मंगलबार बिहान उनीहरुबीच भेटवार्ता भएको हो।
भेटका क्रममा दुई नेताबीच बधाई साटासाट भएको महाराजगञ्जले जनाएको छ।
पार्टीको संसदीय दलको नेताका आकांक्षीद्वय पौडेल र कोइरालाबीच समसामयिक राजनीतिक विषयमा पनि छलफल भएको बताइएको छ।
पौडेल तनहुँ–१ र कोइराला नवलपरासी बर्दघाट सुस्तापूर्व– १ बाट प्रतिनिधिसभा सदस्यमा निर्वाचित भएका छन्। उनीहरु दुवै जनाले आफूलाई आगामी प्रधानमन्त्रीको आकांक्षीका रुपमा प्रस्तुत गर्दै आएका छन्।
पूर्वमहामन्त्री कोइरालाले मंगलबार बिहान पार्टी सभापति तथा प्रधानमन्त्री शेरबहादुर देउवासँग बालुवाटारमा भेटवार्ता गरेका थिए। भेटमा देउवाले कोइरालासँग आफूलाई संसदीय दलको नेताका लागि सघाउन आग्रह गरेका थिए।
Shares
प्रतिक्रिया