नेपाली कांग्रेसका महामन्त्री गगन थापा काठमाडौं निर्वाचन क्षेत्र नम्बर ४ बाटै प्रतिनिधि सभा सदस्य निर्वाचन लड्ने भएका छन्।
यसपटक थापा सर्लाही ४ बाट चुनाव लड्ने हल्ला चलिरहेका बेला थापाका सहयोगी सबिन मुडभरीले थापा काठमाडौं ४ बाटै चुनाव लड्ने बताएका हुन्।
‘धेरैले सोध्नुभयो– महामन्त्री (गगन थापा) ज्यू, कहाँबाट चुनाव लड्ने? आफ्नो ठाँउ काठमाडौं क्षेत्र नम्बर ४ हो त्यहीँबाट हो चुनाव लड्ने’, मुडभरीले भनेका छन्, ‘यो ठाँउ छोडेर अन्त जाने कुरा न त सोच्न सकिन्छ न त सोचिन्छ नै। हल्लाको पछि नलागौं।’
गगन थापाको सचिवालयका एक सदस्यले थापा काठमाडौं ४ बाटै चुनाव लड्ने बताए।
‘छलफलको विषयलाई सर्लाही ४ जाने भनेर समाचार लेखेर भ्रम फैलियो। सत्य होइन। उहाँ काठमाडौं ४ बाटै लड्नुहुन्छ। एक घन्टामै फाइनल हुन्छ।’
Shares
प्रतिक्रिया