युनिकोड
नेकपा एमालेका अध्यक्ष केपी शर्मा ओलीले आफ्नो पार्टीको महाधिवेशनमा मानिसहरुको बाक्लो भीड उपस्थित हुने दाबी गरेका छन्।
मंगलबार सम्पादकहरुसँगको अन्तर्क्रिया कार्यक्रममा नेपालका बसहरुको क्षमतासरहकै मानिस उपस्थित हुने बताएका हुन्।
अध्यक्ष ओलीले भने, ‘नेपालका सवारीसाधनले बोक्न सक्नेजति मानिस आउनेछन्, मानिस बोक्ने गाडीको कमी हुनसक्छ।’
उनले महाधिवेशन उद्घाटन सत्रमा ५ लाख बढी मानिस सहभागी हुने दाबी गरे।
एमालेको दशौं महाधिवेशन यही मंसिर १०, ११ र १२ गते चितवनमा हुँदैछ।
महाधिवेशनको बन्दसत्रमा मुख्य रूपमा नेतृत्व चयनको काम हुने ओलीले जानकारी दिए।
उनले देश बनाउने नीतिसहितको कार्यक्रम विधान महाधिवेशनमा पारित भएको भन्दै अब ती नीति कार्यान्वयनमा चाहिने नेतृत्व छानिने उल्लेख गरे।
महाधिवेशनमा विदेशी प्रतिनिधिमण्डलको सहभागिता रहने पनि ओलीले बताए।
प्रतिक्रिया