युनिकोड
नेकपा एमालेका नेता गोकुल बाँस्कोटाले हिंसाग्रस्त अफगानिस्तानबाट नेपालीलाई स्वदेश फिर्ता ल्याउन पहल नगरेको भन्दै सरकारको आलोचना गरेका छन्।
यस क्रममा उनले आफ्ना अध्यक्ष केपी शर्मा ओलीको सरकार हुँदा परराष्ट्र सम्बन्ध बिग्रियो भनेर टिप्पणी गर्ने सम्पादकहरूविरुद्ध पनि कटाक्ष गरेका छन्।
‘तनावग्रस्त अफगानिस्तानबाट जीवन रक्षा गरिदिन त्यहाँ रहेका नेपालीले माग गरिरहेका छन्, तर कहा हरायो परमादेश सरकार, अनि के गर्दै छन्, ओली हुँदा परराष्ट्र सम्बन्ध बिग्रियो भनेर कान टट्टाउन्जेल र आखा तिरमिराउन्जेल समाचार भट्याउन लगाउने सम्पादकहरू,’ पूर्वमन्त्रीसमेत रहेका बाँस्कोटाले आइतबार अपराह्न सामाजिक सञ्जालमा लेखेका छन्, ‘सरकारले नेपालीलाई तत्काल सुरक्षित फिर्ता गराओस्।’
–अफगानिस्तानका नेपालीलाई सम्पर्कमा आउन आग्रह, परराष्ट्रले बनायो समिति
प्रतिक्रिया