माधव नेपाललाई सूर्य थापाको जवाफ : मेरो भनाइ १० बुँदे सहमतिअनुरूपै हो

नेकपा एमालेका वरिष्ठ नेता नेपालले आफ्नो अभिव्यक्तिप्रति आपत्ति जनाएपछि पार्टीका अध्यक्ष एवं प्रधानमन्त्री केपी शर्मा ओलीका प्रेस सल्लाहकार सूर्य थापाले जवाफ फर्काएका छन्। 

आइतबार राति एमाले कार्यदलले १० बुँदे सहमति जुटाउनासाथ हर्षित हुँदै प्रेस सल्लाहकार थापाले अब सर्वोच्च अदालतले प्रतिनिधि सभा पुनःस्थापना तथा शेरबहादुर देउवालाई प्रधानमन्त्री नियुक्तिको आदेश नदिने दाबी गर्दै फेसबुकमा स्टाटस लेखेका छन्।  

त्यसप्रति आपत्ति जनाउँदै वरिष्ठ नेता नेपालले सोमबार बिहान फेसबुकमार्फत नै  ‘कार्यदल स्तरमा भएको सहमतिको मर्मविपरीत तथा अदालतमा विचाराधीन मुद्दा प्रभावित पार्ने वा अदालतको मानहानी गर्नेगरी गरिएको वा गरिने व्याख्या’ भनेका हुन्। 

यो पनि : ​एमाले सहमति : प्रधानमन्त्रीका प्रेस सल्लाहकारको व्याख्याप्रति माधव नेपालको आपत्ति 

यसैको जवाफमा प्रधानमन्त्रीका प्रेस सल्लाहकार थापाले पुनः सोमबार बिहान यस्तो ट्विट गरेका हुन्–

 

मैले देउवा महाेदयलाई लेखेंकाे थिएँ, जवाफचाहिँ अन्यत्रबाट आएछ, किन हाेला?
तथ्यमा उभिएर र सम्पूर्ण चिज हेरेर स्पष्ट धारणा बनाउनु राम्रो हाेला!बरू एकाबिहानै आएकाे टिप्पणी अदालतकाे निर्णय प्रभावित गर्न र देउवालाई आश्वस्त पार्न लेखेकाे देखें मैले त!कसाे हाेला?
फाटेकाे जालाेले छेकेकाे! pic.twitter.com/x3bJoIQ99U

— Surya Thapa (@ThapajiSurya) July 12, 2021