तेस्रो हप्तामा लकडाउन चलिरहेको छ। सडकमा सवारीसाधन शून्यप्रायः छन्। कोरोना भाइरसले संसारमा महामारीको रुप लिइरहँदा काठमाडौंका मुख्य सडकहरु भने सफा र चम्किलो देखिएका छन्।
काठमाडौं सडक डिभिजनले लकडाउनमा सडक सुधारको कामलाई निरन्तरता दिएपछि मेटिएका सडक रेखा टिलिक्क टल्किएका हुन्। सडकमा सवारीसाधन र बाक्लो मानिस उपस्थिति नदेखिनु, वसन्त ऋतुको समय हुनु अनौठो संयोगजस्तै देखिएको छ। सडक सफा र रेखाहरु चहकिला मात्र छैनन्, चौडा सडकका वरपर रोपेका फूलका बिरुवाहरु झांगिएका छन्, फुल्न थालेका छन्।
कतै सडक रंगरोगनको काम भइरहेको छ त कतै सकिएको छ। राजधानीका तीनकुने, रत्नपार्क, सिंहदरबार, माइतीघर, मैतीदेवीलगायतका स्थानमा पुगेर नेपालखबरले क्यामरामा कैद गरेको सडकको दृश्य यस्ता छन् :
प्रतिक्रिया