युनिकोड
पूर्वराजा ज्ञानेन्द्र शाह पोखराबाट काठमाडौँ आइपुगेका छन्। आइतबार समिट एयरको ९एन–एकेजेड कलसाइन चार्टर्ड विमानमार्फत उनी काठमाडौँ आएका हुन्।
आइतबार अपरान्ह त्रिभुवन विमानस्थल ओर्लिएका पूर्वराजालाई विमानस्थलको गेटदेखि नै राजाका समर्थक र विभिन्न समर्थकहरूको र्यालीले भव्य स्वागत गरेको छ।
पूर्वराजालाई स्वागत गर्न दिउँसैदेखि राजावादी विभिन्न स्थानमा भेला भएर र्यालीसहित विमानस्थलको द्वारसम्म पुगेका थिए। र्यालीका क्रममा गाडीमा उभिएर पूर्वराजा शाहले आफ्नो समर्थकहरुको अभिनन्दन स्वीकार गर्नुका साथै हात हल्लाएर खुसी व्यक्त गरेका छन्।
उनलाई समर्थकहरूले र्यालीसहित निर्मल निवास लैजाँदै छन्। शाहले पनि गाडीबाट निस्किएर समर्थकहरूलाई अविवादन गरेका छन्।
प्रतिक्रिया