रंगशालामा सागको भव्य समापन (फोटो)

१३ औँ दक्षिण एसियाली खेलकुद (साग) को भव्य समापन गरिएको छ। काठमाडौँस्थित दशरथ रंगशालामा मंगलबार आयोजित समारोहमा सागको समापन गरिएको हो।

समापन कार्यक्रममा विभिन्न झाँकी प्रस्तुत गरिएको थियो। कार्यक्रममा आतिशबाजी र डेढ सय ड्रोन प्रयोग गरेर आकाशमा बनाइएको आकृतिहरु विशेष आकर्षण बनेका थिए। जसमा बुद्ध, नेपाल, राष्ट्रिय झण्डा र पशुपतिको मन्दिर बनाइएको थियो।

समापनसँगै १४ औं साग आयोजक राष्ट्र पाकिस्तानलाई सागको झण्डा हस्तान्तरण गरिएको थियो।

१३ औँ सागमा नेपालले किर्तिमानी ५१ औँ स्वर्ण, ६० रजत र ९५ काँस्यसहित २०६ पदक जित्न सफल भएको छ।