काठमाडौँ गइरहेको बस दाङमा दुर्घटना, २२ जना घाइते

डडेल्धुराबाट काठमाडौँतर्फ गइरहेको ना८ख ७४५५ नम्बरको बस पूर्वपश्चिम राजमार्गअन्तर्गत आज (बिहीबार) बिहान दाङको लमही नगरपालिका-१, कौडियापुलबाट खसेको छ।

प्रहरीका अनुसार दुर्घटनामा २२ जना घाइते भएका छन्।

लमहीस्थित वडा प्रहरी कार्यालयका प्रहरी निरीक्षक रोशनराज पाण्डेयका अनुसार नेपाल प्रहरी, सशस्त्र प्रहरी बल, नेपाली सेना तथा स्थानीयको सहयोगमा घाइतेहरूलाई उद्धार गरी लमही अस्पताल पुर्‍याइएको छ।

बसमा ३८ जना यात्री थिए। रासस