सुपा देउरालीको झोलुंगे पुलबाट खसेर युवतीको मृत्यु

अर्घाखाँचीको सन्धिखर्क नगरपालिका-७ स्थित सुपा देउरालीको झोलुंगे पुलबाट खसेर युवतीको मृत्यु भएको छ। 

जिल्ला प्रहरी कार्यालय अर्घाखाँचीका अनुसार मृतक कपिलवस्तुको बाणगंगा नगरपालिका निवासी २३ वर्षीया सरिता भण्डारी हुन्।

घटनाबारे जानकारी प्राप्त हुनासाथ स्थानीयवासी तथा सुरक्षाकर्मी घटनास्थलमा पुगेका थिए।
 
मृत्युको कारण र घटनाको वास्तविक अवस्था सम्बन्धमा प्रहरीले थप अनुसन्धान गरिरहेको जनाएको छ।