युनिकोड
कोसी प्रदेशको भ्रमणमा रहेका नेपाली कांग्रेसका नेता बालकृष्ण खाण आज बुधबार बिहानै विराटनगरस्थित कोइराला निवास आइपुगे।
कोइराला निवासमा भेला भएका पत्रकारहरूसँग उनले कोइराला निवास ‘पवित्र भूमि’ भएको बताए।
खाणले भने, ‘यो कुनै गुटको थलो होइन। हाम्रा लागि यो स्थान धार्मिक स्थलसरह पवित्र छ। कोइराला परिवारले नेपाली राजनीति र लोकतन्त्रमा पुर्याएको योगदान अमूल्य छ।’
खाणले पार्टी सभापतिलाई सफल बनाउने जिम्मेवारी सबैको भएको पनि बताए। सभापति सफल भए मात्रै पार्टी अघि सक्ने धारणा उनले राखे।
उनले अहिले कुनै निर्णय नभएको र आफू केन्द्रीय समितिमा सक्रिय रहँदै महाधिवेशन सफल बनाउन केन्द्रित हुने पनि बताए।
पार्टी नेतृत्व गुटभन्दा माथि उठेर चयन हुनुपर्नेमा उनले जोड दिए।
कांग्रेस-एमालेबिचको सहकार्य नयाँ नभएको भन्दै उनले विगतमा पनि पटकपटक सहकार्य भएको स्मरण गराए।
यो गठबन्धन २०८४ को निर्वाचनसम्म निरन्तर अघि बढ्ने बताए।
पार्टी अनुशासन समितिबाट भएका कारबाहीबारे सोध्दा उनले त्यो निर्णय प्रक्रियागत भएको तर्क गर्दै केन्द्रीय समितिले समीक्षा गरेर निर्णय गर्ने बताए।
प्रतिक्रिया