युनिकोड
नेकपा एमालेका नेता लालबाबु पण्डितले ११ औँ महाधिवेशनमा पार्टीको सचिव पदमा उम्मेदवारी दिएका छन्।
नेपालखबरसँगको कुराकानीमा पण्डितले आफू पार्टी संगठनलाई थप सुदृढ बनाउन र विचार, नीति तथा नेतृत्वलाई बलियो बनाउन सचिव पदमा उम्मेदवारी दिएको बताए।
पार्टीमा लामो समयदेखि विभिन्न जिम्मेवारी सम्हाल्दै आएको अनुभवलाई उपयोग गर्दै संगठनात्मक काममा प्रभावकारी भूमिका निर्वाह गर्दै आएकोले अहिलेलाई सचिव पदको उम्मेदवारी दर्ता गराएको बताए।
नेकपा एमालेका अध्यक्ष केपी शर्मा ओली समूहबाट केन्द्रीय सदस्यको सूचीमा रहेका पण्डितले आफू सँधैँ केन्द्रीय सदस्य भएर बसिरहन नसक्ने बताए।
‘कहिलेसम्म केन्द्रीय सदस्य भएर बस्ने हो र?,’ पण्डितको भनाइ छ, ‘अरु कुरा त्यस्तै हो मैले सचिव पदमा उम्मेदवारी दिएको छु।’
उनले १० औँ महाधिवेशनमा समेत पदाधिकारीमा दावी गर्दै आएका थिए। पदाधिकारी नपाउने भएपछि पण्डितले महाधिवेशन स्थल नै छाडेर हिँडेका थिए।
प्रतिक्रिया