युनिकोड
इटहरीमा भएको मोटरसाइकल दुर्घटनामा एक जनाको मृत्यु भएको छ। प्रदेश १–०२–०४८ प ३८७० नम्बरको मोटरसाइकल आफैँ अनियन्त्रित भई इटहरीमा १२ मा दुर्घटना भएको हो।
दुर्घटनामा परी मृत्यु हुनेमा विराटनगर महानगरपालिका–१० का २४ वर्षीय पुनम चौधरी रहेको प्रदेश प्रहरी कार्यालय विराटनगरले जनाएको छ। गम्भीर घाइते भएका चौधरीको विराट नर्सिङ होममा आज बिहान मृत्यु भएको प्रहरीले जनाएको छ।
मोटरसाइकल पछाडि रहेकी उदयपुरको कटारी नगरपालिका–२ की २८ वर्षीय उमा सुनुवार घाइते भएकी छन्। उनको पनि सोही अस्पतालमा उपचार भइरहेको छ।
प्रहरीका अनुसार, मोटरसाइकल चालक चौधरीले अत्यधिक मादक पदार्थ सेवन (मापसे) गरी मोटरसाइकल चलाउँदा दुर्घटना भएको खुलेको छ। इटहरीबाट विराटनगरतर्फ जाँदै गरेको मोटरसाइकल दुर्घटनामा परेको थियो।
प्रतिक्रिया