कर्णाली नदीमाथिको झोलुंगे पुलमा अड्किएका खच्चडको उद्धार सुरु गरिएको छ। आइतबार बिहान पुुलको लठ्ठा चुँडिएर फसेका खच्चडको पुलको तार काटेर उद्धार सुरु गरिएको हो।
अहिलेसम्म पाँचवटा खच्चडको उद्धार भइसकेको छ। बाँकीलाई तार काटेर नदीमा झार्दै निकाल्नेगरी काम अघि बढाइएको दैलेख प्रहरी प्रमुख प्रहरी नायब उपरीक्षक (डीएसपी) सुनिल दाहालले नेपालखबरलाई जानकारी दिए।
‘सुरुमा टुचनले पुल सोझ्याउन खोज्दा पनि धेरै लोड भएका कारणले सकिएन,’ उनले भने, ‘त्यसपछि पाँचवटालाई नदीमा खसालेर उद्धार भइसकेको छ।’
उद्धारका लागि अछाम र दैलेखका प्रमुख जिल्ला अधिकारी, नेपाली सेना, नेपाल प्रहरी, शसस्त्र र स्थानीय तहका जनप्रतिनिधि सहित स्थानीय खटिएका छन्।
पुलको एकातर्फको लठ्ठा कमजोर रहेको र धेरै खच्चडहरू एकैपटक चढ्न थाल्दा लठ्ठा चुँडिएको थियो।
Shares
प्रतिक्रिया