युनिकोड
युक्रेनका राष्ट्रपति भोलोदिमिर जेलेन्स्कीले रुसका राष्ट्रपति भ्लादिमिर पुटिनलाई ‘युद्धको दास’ भनेका छन्।
जर्मनीमा म्युनिख सुरक्षा सम्मेलनमा क्रममा जेलेन्स्कीले पुटिनविरुद्ध आक्रोश व्यक्त गरेका हुन्।
उनले भने, ‘पुटिन शक्तिबिना बाँच्न सक्दैनन् र उनको पूर्ण ध्यान हाल युक्रेनमा छ।’
जेलेन्स्कीले थपे, ‘पुटिन सामान्य व्यक्तिजस्तो बाँच्दैनन्, उनी सडकमा हिँड्दैनन्, तपाईं उनलाई क्याफेमा देख्नुहुने छैन...।’
उनले पुटिन शक्तिबिना बाँच्ने कल्पना पनि गर्न नसक्ने टिप्पणी गर्दै उनलाई सामान्य कुरामा रुचि नै नरहेको कटाक्ष गरे।
उनले भने, ‘पुटिन युद्धको विचार त्याग्न सक्दैनन्। भलै उनी आफूलाई सम्राट सम्झिन्छन्। तर वास्तवमा उनी युद्धका दास हुन्।’
प्रतिक्रिया