युनिकोड
भारतीय कम्युनिस्ट पार्टी (मार्क्सवादी) अर्थात् सीपीआईएमको महासचिवमा केरलाका नेता एम.ए. बेबी निर्वाचित भएका छन्।
गत वर्ष सीताराम येचुरीको निधनपछि सीपीआईएम महासचिवको पद खाली थियो।
यही अप्रिल २ मा सुरु भएको सीपीआईएमको २४औँ सम्मेलनमा भएको निर्वाचनबाट बेबी महासचिव चुनिएका हुन्।
भारतीय सञ्चारमाध्यमका अनुसार निर्वाचनले सीपीआईएमको ८५ सदस्यीय केन्द्रीय समितिले ८४ जना चयन गरेको छ। अब एउटा पद खाली छ।
पार्टीले केन्द्रीय समितिका २० प्रतिशत सदस्य महिला रहेको बताएको छ।
साथै नवनिर्वाचित केन्द्रीय समितिले १८ सदस्यीय पोलिटब्युरो समिति पनि चयन गरेको छ।
प्रतिक्रिया