युनिकोड
अष्ट्रेलियाको भिसाधारी, अन्तर्राष्ट्रिय विद्यार्थी र दक्ष कमदाले डिसेम्बरबाट अष्ट्रेलिया प्रवेशको अनुमति पाउने भएका छन्। अष्ट्रेलियाले कोभिड–१९ महामारीको कारण करिब दुई वर्षदेखि बन्द रहेको सीमा खोल्ने निर्णय गरेको हो। प्रधानमन्त्री स्कट मौरिसनले डिसेम्बर १ बाट पूरा डोज कोरोना खोप लगाएका मानिसले अष्ट्रेलिया भ्रमण गर्न सक्ने बताएका छन्।
अब अष्ट्रेलिया भ्रमण गर्नेले कुनै कारण देखाउनुपर्ने छैन। यसअघि महामारीको प्रतिबन्धमा कुनै विशेष कारण देखाएर क्वारेन्टिनको नियम पालना गरेपछि मात्र अष्ट्रेलिया प्रवेशको अनुमति दिइँदै आएको छ।
डिसेम्बरबाट जापान र दक्षिण कोरियाका सबै नागरिकले अष्ट्रेलिया भ्रमणको अनुमति पाउनेछन्। यसअघि नै नोभेम्बरबाट सिंगापुरका नागरिकको लागि यो नियम लागू भइसकेको छ।
प्रधानमन्त्री मौरिसनले राष्ट्रिय योजना निर्माणमा अहिले अघि सारिएको योजनाले सहयोग पुग्ने बताएका छन्। यो कदम अष्ट्रेलियालाई महामारीपूर्वका अवस्थामा फर्काउनको कोशेढुङ्गाा साबित हुन सक्ने मौरिसनको भनाइ छ।
अष्ट्रेलियाको नयाँ योजनाबाट २ लाख ३३ हजारभन्दा धेरै मानिसलाई राहत पुग्न सक्ने अष्ट्रेलियाली सञ्चारमाध्यमले बताएका छन्।
प्रतिक्रिया