दशैँ तिहार गीत ‘फूलको माला हरर’ सार्वजनिक (भिडियो)

नेपालीहरुको महान चाडबाड दशैँ तिहारको पूर्वसन्ध्यामा आफन्त, साथीभाई र परिवारजन संगको भेटघाटलाइ नाच्ने गाउने रमाइलो बनाउनको लागि अस्ट्रेलिया निवासी गायक सञ्जीव खरेलले दशैँ तिहार गीत ‘फूलको माला हरर’ लिएर स्रोता दर्शक माझ आएका छन्।

दोस्रो गीत ‘बादल’ आएको करिव ५ महिना पछी गायक खरेलको ‘फूलको माला हरर’ नेपाली सांगीतिक बजारमा आएको हो। गीतमा डिपी खनालको शब्द र सञ्जीव खरेलको नै संगीत रहेको छ। गीतको एरेन्जमेन्ट उदयराज पौडेलले गरेका हुन्।

गीतको भिडियोमा चर्चित नायक तथा मोडेल कोशिश छेत्री, रश्मी भट्ट, अन्जु चौलागाई, लगायतको जिवन्त अभिनय रहेको छ भने भिडियोमा सुर्य लामाको छायांकन र फराज अर्पनको भिडियो सम्पादन एवम् निर्देशनमा रहेको छ।

भिडियोलाई सञ्जीव खरेलको अफिसिएल युट्युव च्यानल मार्फत सार्वजनिक भएको हो।