प्रमोद र अञ्जुको स्वरमा ‘मेरो मनको राजा’ बोलको गीत सार्वजनिक

‘मेरो मनको राजा’ बोलको गीत सार्वजनिक भएको छ। सार्वजनिक गीतमा प्रमोद खरेल र अञ्जु पन्तको स्वर सुन्न सकिन्छ।

शंकर अधिकारी (घायल) को शब्द रहेको गीतमा प्रकाश डिजीले संगीत भरेका छन्। बुद्ध स्याङ्बाको संगीत संयोजन रहेको गीतको प्रकाश केसी मिक्सिङ, मास्टरिङ र रेकर्डिस्ट हुन्।

शेर साउदको निर्देशनमा बनेको भिडिओमा स्मारिका ढकाल र पुस्कर धनुके (सनराइज) को अभिनय छ। सैलुङमा खिँचिएको भिडिओमा दुबैजना प्रेमिल देखिएका छन्। 

राजेश घिमिरेले खिचेको गीतमा दीपक बिष्टको सम्पादन र कलर रहेको छ। पुस्कर धनुकेको प्रस्तुतिमा बनेको गीतको भिडिओ युट्युव च्यानल ओएसआर डिजिटलमार्फत हेर्न सकिन्छ।