युनिकोड
केही समयअघि स्पाई युनिभर्सको फ्रेन्चाइज फिल्म ‘टाइगर भर्सेस पठान’ निर्माण हुने चर्चा चलेको थियो। शाहरुख खान र सलमान खान एकसाथ देखिने भएकाले यो फिल्म दर्शकमाझ बहुप्रतिक्षीत थियो। यी दुई स्टारले सन् १९९५ को फिल्म ‘करण अर्जुन’ मा सहकार्य गरेका थिए।
तर, यसैबीच व्यापक प्रचार गरिएको ‘टाइगर भर्सेस पठान’ प्रोजेक्ट अहिलेलाई स्थगित गरिएको छ। रिपोर्टहरूका अनुसार, सलमान खान र शाहरुख खानलाई पुनर्मिलन गराउने भनिएको फिल्म आर्थिक कठिनाइका कारण स्थगित गरिएको छ।
यशराज फिल्म्सद्वारा बनाउने भनिएको यो फिल्म निर्माणमा प्रवेश गर्नुभन्दा पहिले नै रोकिएको छ। बजेटको अवरोध विशेषतया दुई प्रमुख स्टारहरूको पारिश्रमिक मुद्दाको केन्द्रमा रहेको छ।
‘यदि दुवै खानले छुटमा सहमति जनाएका भए। यशराजको ‘वार २’ असफल भए पनि ‘टाइगर भर्सेस पठान’ बनाउन सकिन्थ्यो। तर, बजेट जस्तो छ, विशेष गरी स्टार शुल्कको कारणले गर्दा, यो फिल्म समस्यामा परेको छ,’स्रोतले जनाएको छ।
निर्माणटिमले सलमान र शाहरुखलाई लगभग १०० करोड भारतीय तिर्नुपर्ने बताएको छ, जसले गर्दा हालको बजार परिस्थितिमा कुल वित्तीय परिव्ययलाई औचित्य प्रमाणित गर्न गाह्रो भएको छ।
यद्यपि, यशराज फिल्म्सले यसबारे कुनै आधिकारिक विज्ञप्ति जारी गरेको छैन। दर्शकहरुले भने यो सहकार्य नहुनेप्रति निराशा व्यक्त गरेका छन्।
प्रतिक्रिया