युनिकोड
श्रद्धा कपुर स्टारर बलिउड फिल्म ‘स्त्री २’ बक्सअफिसमा सर्वाधिक कमाइ गर्ने हिन्दी फिल्म बनेको छ। शाहरुखको फिल्म ‘जवान’ को कमाइलाई उछिन्दै यस फिल्मले धेरै कमाउने हिन्दी फिल्मको रेकर्ड कायम गरेको हो।
शाहरुखको ‘जवान’ सहित यस फिल्मले रणवीर कपुरको ‘एनिमल’, शाहरुखकै ‘पठान’ र सन्नी देओलको ‘गदर २’ को कमाइलाई पनि पारेको छ।
१५ अगस्टमा रिलिज भएको ‘स्त्री २’ ले हिन्दी संस्करणतर्फ ५८६ करोड भारतीय रुपैयाँको व्यापार गरेको छ। ३४ दिनमा ‘स्त्री २’ ले यो आकडा पार गरेको हो। ‘जवान’ लाई ५६४ करोड करोड भारु कमाउन ३५ दिन लागेको थियो।
यो फिल्म २०१८ को हिट हरर कमेडी चलचित्र ‘स्त्री’ को सिक्वेल हो, जसले दर्शकलाई धेरै हँसाएको र डराएको थियो।
‘स्त्री २’ को श्रद्धा कपुरसहित राजकुमार राव मुख्य भूमिकामा छन्। पंकज त्रिपाठी, अपारशक्ति खुराना र अभिषेक बनर्जी पनि आफ्नो पुरानो भूमिकामा छन्।
‘स्त्री २’ लाई ‘स्त्री’ बाट निर्देशनमा डेब्यू गरेका अमर कौशिकले निर्देशन गरेका हुन्।
प्रतिक्रिया