गणेश सुवेदीको गजलः जनभावना विपरीतको सरकार मानिँदैन

पटक–पटक हारिन्छ तर हार मानिँदैन
मानिँदैन उच–निच भेदभावको बार मानिँदैन।

बाहिरबाट झकिझकाउ, भित्र पुरै खोक्रो
ठूलो देख्दैमा सिसाका महललाई दरबार मानिँदैन।

जब औजारले सक्दैन आफ्नै काम गर्न
तब, फलामको पातोलाई तरबार मानिँदैन।

आत्मीयता, अपनत्व, प्रेमरस हुनुपर्छ
बिनामेलको बन्धनलाई घरबार मानिँदैन।

जनता नै जनार्दन हुन भने लोकतन्त्रमा
जनभावना विपरितको सरकार मानिँदैन।