युनिकोड
प्रधानमन्त्री केपी शर्मा ओलीले नेपालमा अभाव भएको युरिया मल तत्काल आपूर्ति गर्न बंगलादेशी प्रधानमन्त्री शेख हसिना वाजेद सकारात्मक भएको बताएका छन्।
मंगलबार हसिनासँग टेलिफोन संवाद गरेपछि ओलीले सो जानकारी दिएका हुन्।
त्यसका अलावा व्यापार, उर्जा र परिवहनका विषयमा पनि छलफल भएको ओलीले जनाएका छन्।
‘आज दिउँसो बंगलादेशी प्रधानमन्त्री शेख हसिनासँग नेपाल–बंगलादेश सम्बन्धका अनेकौँ पक्षबारे मैले फलदायी टेलिफोन संवाद गरेँ,’ ओलीले ट्विटरमा लेखेका छन्, ‘यो बालीको सिजनमा तत्काल युरिया आपूर्ति गर्ने मेरो आग्रहलाई उहाँले सकारात्मक रुपमा लिनुभएको छ।’
प्रमुख कृषिवाली धानमा प्रयोग गर्ने समयमा युरिया मलको अभाव भएपछि नेपालले बंगलादेशसँग ५० हजार मेट्रिक टन युरिया मल पैँचो उपलब्ध गराउन आग्रह गरेका हो।
दुवै देशका उच्च अधिकारीहरुबीच छलफलपछि दुवै देशका कार्यकारी प्रमुखबीच टेलिफोन संवादमा सो विषयमा छलफल भएको हो।
मल खरिदका लागि पुस र माघ महिनामा खोलिएको बोलपत्र कबुल गर्ने कम्पनीहरुले तोकिएको समयमा मल आपूर्ति नगर्दा बजारमा रासायनिक मलको अभाव भएको छ।
किसानलाई समयमा मल उपलब्ध गराउन नसकेको भन्दै सरकारको आलोचना हुँदै आएको छ।
— KP Sharma Oli (@PM_Nepal) September 1, 2020This afternoon, I had fruitful discussion over telephone with Prime Minister of Bangladesh HE #SheikhHasina on various aspects of Nepal- Bangladesh relations. She has positively taken my request for the urgent supply of urea for this crop season.
याे पनि:
‘धानले मल नपाई बाला लगाउन थाल्यो, गहुँले चाहिँ पाओस् भनेर बंगलादेशसँग मल सापटी माग्दै छौँ’
प्रतिक्रिया