युनिकोड
नेटा भी र सीजी केवाईसी भी५ इलेक्ट्रिक भ्यानको नेपालका लागि आधिकारिक विक्रेता सीजी मोटर्स प्रा. लि.ले बिक्री गर्दै आएको गाडीमा प्रभु बैंकले कर्जा दिने भएको छ ।
बैंक र सीजी मोटर्सबीच भएको सम्झौता अनुसार अब नेटा भी र सीजी केवाईसी भी५ इलेक्ट्रिक भ्यान गाडी खरिद गर्ने ग्राहकहरुले प्रभु बैंकबाट सहजै कर्जा लिन सक्नेछन् ।
दुई संस्था बीच भएको सम्झौता पत्रमा बैंकको तर्फबाट नायब प्रमुख कार्यकारी अधिकृत श्री मणिराम पोखरेल तथा ग्राहक कर्जा प्रमुख वीरेन्द्र भट्ट र सीजी मोटर्सको तर्फबाट प्रमुख कार्यकारी अधिकृत हेमन्त अग्रवालले हस्ताक्षर गरेका हुन् ।
सम्झौतापछि गाडी खरिद गर्दा छिटो, छरितो र सहजताका साथ प्रतिस्पर्धी ब्याजदरमा ८० प्रतिशतसम्म सवारी साधन कर्जा उपलब्ध गराउने जारी विज्ञप्तीमा उल्लेख छ ।
गाडी खरिद गर्न चाहने ग्राहकहरूलाई सुलभ र सहज वित्तीय सेवाहरू प्रदान गर्न लक्ष्य राखेको छ । सम्झौता अनुसार, प्रभु बैंकका सबै शाखाहरूबाट ग्राहकहरूलाई गाडीको लागि ७ वर्ष अवधिसम्मको लागि सुलभ ऋण सुविधाहरू सजिलोसँग उपलब्ध हुनेछ । अर्थात् मात्र २० प्रतिशतको डाउन पेमेन्टमा नेटा भीको मालिक बन्न सकिनेछ ।
हाल प्रभु बैंकको देशभर रहेका सम्पूर्ण शाखाबाट नै कर्जा सुबिधा ग्राहकले लिन सक्नेछन् । ऋणलाई नेपाल राष्ट्र बैंकको सम्बन्धित निर्देशिका र निर्देशनहरूसँग समायोजन गरिएको छ । यो योजना सीजी मोटर्स प्रा. लि. को आधिकारिक ब्रिक्रेता र प्रभु बैंकका सबै शाखाहरुबाट नेपाल भरी लागु हुनेछ।
प्रतिक्रिया