शुक्रबारदेखि किराना पसल बन्द हुने भएपछि किनमेलमा बढ्यो भिड (फोटो फिचर)

सरकारले गतमहिनादेखि काठमाडौं उपत्यकामा जारी निषेधाज्ञालाई शुक्रबारदेखि थप एक साता बढाउने र थपिएको अवधिमा झनै कडाइ गर्ने बताएपछि बुधबार बिहान काठमाडौंको बजारमा चहलपहल झन् बढेको थियो।

काठमाडौं, ललितपुर र भक्तपुरका प्रमुख जिल्ला अधिकारी (सीडीओ) हरुको मंगलबार बसेको बैठकले शुक्रबारदेखि खाद्यान्न पनि किनबेच गर्न नपाइने निर्णय गरेपछि काठमाडौंवासीले दैनिक उपभोग्य सामानको किनमेल बढाएका हुन्।

अहिलेसम्म बिहान १० बजेसम्म किराना पसल खोल्न पाउने व्यवस्था थियो। शुक्रबारदेखि अरु पसल ठप्प पारे पनि तरकारी तथा फलफूल पसल भने खोल्न दिइने छ।

बुधबार बिहान काठमाडौंका मैतिदेवी, गल्कोपाखा, गोंगबू लगायतका स्थानमा मानिसहरु अत्यावश्यक वस्तु किन्न व्यस्त देखिन्थे भने बजारमा चहलपहल बढेको थियो।