दीपक भट्ट र सुलभ अग्रवालको मुद्दा अझै गएन अदालत, आठौँ पटक थपियो म्याद

विवादित व्यवसायीद्वयको मुद्दा पक्राउ परेको लामो समय हुँदा पनि अदालतमा जान सकेको छैन। 

विशेष अदालतले सोमबार उनीहरुविरुद्ध आठौँ पटक म्याद थप गरेको हो। 

अदालतबाट दुवैलाई ३÷३ दिन म्याद थप भएको छ। उनीहरुविरुद्ध तीनवटा कसुरमा अनुसन्धान टुंगिएर प्रतिवेदन सरकारी वकिल कार्यालयमा पुगिसकेको छ। अनुसन्धान सकिएको २ साता बढी हुँदा पनि अदालतमा मद्दा दायर भने हुन सकेको छैन। 

सम्पत्ति शुद्धीकरण विभागले उनीहरुविरुद्ध सम्पत्ति शुद्धीकरणको कसुरमा विशेष सरकारी वकिल कार्यालमा प्रतिवेदन बुझाएको छ भने प्रहरीको केन्द्रीय अनुसन्धान ब्युरो (सीआईबी)ले बीमासम्बन्धी कसुर र धितोपत्र ऐनसम्बन्धी कसुरमा छुट्टाछुट्टै प्रतिवेदन जिल्ला सरकारी वकिलको कार्यालमा बुझाइसकेको छ। 

यस्तै सीआईबीले उनीहरुमाथि बैंकिङ कसुरमा समेत अनुसन्धान गरिरहेको छ। 

यो पनि–

• दीपक भट्ट र सुलभ अग्रवालसहित ७५ बढीलाई मुद्दा चलाउन सीआईबीको राय, साढे ५ अर्ब बढी बिगो