युनिकोड
नेपालबाट हाल ४ सय ५२ मेगावाट विद्युत् निर्यात भइरहेको नेपाल विद्युत् प्राधिकरणले जानकारी गराएको छ।
बिहीबार प्राधिकरणका कार्यकारी निर्देशक कुलमान घिसिङले एक पत्रकार सम्मेलनर्फत् गत आर्थिक वर्षको विवरण सार्वजनिक गर्दै सो जानकारी गराएका हुन्।
‘नेपालले पहिलो पटक नोभेम्बर २०२१ देखि ३९ मेगावाट विद्युत् भारत निर्यात सुरु गरी हाल ४५२ मेगावाट विद्युत् निर्यात भइरहेको छ,’ घिसिङले भने।
साथै, उनले थप ६ सय मेगावटा विद्युत् थप गर्नका लागि भारतको विद्युत् मन्त्रालयमा सहमतिका लागि प्रक्रियामा रहेको पनि जानकारी गराए।
‘भारत निर्यातका लागि करिब ६ सय मेगावाट थप आयोजनाहरु भारतको विद्युत मन्त्रालयमा सहमतिको प्रक्रियामा रहेको छ,’ घिसिङले भने।
साथै, १ सय ३२१ केभी प्रशारण लाइनबाट बिहार हुँदै भारतको केन्द्रीय ग्रिड प्रणालीमार्फत करिब ३ सय विद्युत् बिक्री गर्न त्रिपक्षीय सम्झौता भएको जानकारी गराए।
‘बिहार र नेपालमा विभिन्न स्थानमा जोडिएका १३२ केभी प्रशारण लाइनबाट बिहार हुँदै भारतको केन्द्रीय ग्रिड प्रणालीमार्फत करिब ३ सय मेगावाट विद्युत् बिक्री गर्न पीटीसी इन्डिया, बिहार स्टेट पावर कर्पोरेसन र प्राधिरकणबीच त्रिपक्षीय सहमति भएको छ,’ घिसिङले भने।
प्रतिक्रिया