काठमाडौँ-१६ मा यसरी भइरहेको छ मतदान (तस्बिरहरू)

पद रिक्त रहेका देशका विभिन्न स्थानीय तहसँगै काठमाडौँ महानगरपालिकाको वडा नम्बर १६ मा पनि वडाध्यक्ष पदका लागि आज बिहान ७ बजेदेखि मतदान जारी छ। 

०७९ को निर्वाचनमा नेपाली कांग्रेसबाट निर्वाचित वडाध्यक्ष मुकुन्द रिजालको निधन भएपछि यहाँ उपनिर्वाचन भइरहेको हो। 

काठमाडौँ-१६ मा नेपाली कांग्रेसले देवेन्द्र पाठक, नेकपा एमालेबाट लक्ष्मीरत्न तुलाधर, राष्ट्रिय स्वतन्त्र पार्टी (रास्वपा) बाट रोजिना श्रेष्ठ र एकीकृत समाजवादीबाट (माओवादीको समर्थनमा) मीनबहादुर मानन्धरसहित चुनावी प्रतिस्पर्धामा छन्।

राप्रपा, नेपकिपा, राप्रपा नेपाल, जसपा लगायतका दलका उम्मेदवार पनि वडा अध्यक्षको दौडमा छन्।