युनिकोड
अछाममा अविरल वर्षा पछि परेको पहिरोमा परेर एकै परिवारका पाँच जना सहित ९ जनाको मृत्यु भएको छ।
जिल्लाको कमल बजार नगरपालिका–८ र ६ मा गरेर ९ जनाको मृत्यु भएको भएको त्यहाँका मेयर यज्ञप्रसाद ढकालले जानकारी दिए।
उनका अनुसार कमल बजार नगरपालिका–८ ढुगांलामा छिउरे दमाइ सहित उनको ५ जनाको परिवार पहिरोमा सखाप भएको छ। उनीहरुको शव निकालेको मेयर ढकालले बताए।
यस्तै, कमल बजार नगरपालिका–६ मा ४ जनाको मृत्यु भएको छ भने अझै ४ जना घरमा पुरिएको आशंका गरिएको छ। पहिरोमा परेर घाइते भएका ४ जनालाई उद्धार गरेर उपचारका लागि मंगलसेन लगिएको छ।
‘वडा नम्बर ६ मा केहीबेर अघि वडाध्यक्षसंग सम्पर्क हुँदा ४ जनाको शव भेटिएको जानकारी दिनु भएको थियो, अहिले त्यहाँ सम्पर्क हुन सकेको छैन,’ मेयर ढकालले भने, ‘अझै ४ जना घरभित्रै पुरिएको आशंका गरिएको छ।’
अछामको कमल बजार नगरपालिका, तुर्माखाद गाउँपालिका र ढकारी गाउँपालिकामा पहिरोले ठूलो क्षति पुर्याएको अछामका सहायक प्रमुख जिल्ला अधिकारी दिपेश रिजालले बताए।
यद्यपि, क्षतिको यकिन विवरण भने आइनसकेको उनले बताए ।
प्रतिक्रिया