युनिकोड
स्पेनिस राष्ट्रिय फुटबल टिमका कप्तान सर्जिओ बुस्केट्सले राष्ट्रिय टोलीबाट शन्यास लिएका छन्। ३४ वर्षीय बुस्केट्सको नेतृत्वमा विश्वकपका लागि कतार पुगेको स्पेन अन्तिम १६ बाट बाहिरिएको थियो।
अन्तिम १६ मा पेनाल्टी सुटआउटमा मोरक्कोसँग पराजित हुँदै स्पेन घर फर्किएको थियो। पेनाल्टी सुटआउटमा स्पेनका ३ वटै प्रहार विफल भएका थिए। बुस्केट्सले पनि गोल गर्न सकेका थिएनन्।
कोस्टारिकाविरुद्ध ७–० को जितसहित विश्वकपमा शानदार सुरुवात गरे पनि समूह उपविजेता बनेको स्पेन अन्तिम १६ बाटै बाहिरिएको थियो।
जुन नतिजाका कारण प्रशिक्षक लुइस इनरिकेले राजीनामा दिइसकेका छन्।
उनको राजीनामा आएको केहीदिनपछि कप्तानले पनि शन्यासको घोषणा गरेका हुन्। उनी स्पेनको २०१० को विश्वकप विजेता टोलीका महत्वपुर्ण सदस्य पनि हुन्।
३४ वर्षीय डिफेन्सिभ मिडफिल्डर बुस्केट्स बार्सिलोनाको पनि कप्तान हुन्। बार्सिलोनामा उनको सम्झौता अन्तिम चरणमा पुगेको छ।
प्रतिक्रिया