युनिकोड
नेपाल भ्रमणमा रहेका भारतीय विदेशमन्त्री एस.जयशंकरले नेपाली राष्ट्रिय क्रिकेट टोलीसँग भेट गर्दै टी–२० विश्वकपमा छनोट भएकामा बधाई दिएका छन्।
विदेशमन्त्री जयशंकरले बिहीबार साँझ क्रिकेट टोलीसँगै नेपाल क्रिकेट संघ (क्यान) का पदाधिकारीसँग अन्तरक्रिया गरेका हुन्।
यस क्रममा भारतीय विदेशमन्त्री जयशंकरले नेपाललाई टी–२० विश्वकप तयारी तथा क्रिकेट विकासका लागि आफ्नो मुलुकले सधैँ सहयोग गर्ने आश्वासन पनि दिए।
नेपाली क्रिकेट टोलीका सदस्यहरू र @CricketNep सँग अन्तरक्रिया गर्न पाउँदा खुशी लाग्यो।
टी-२० विश्वकपमा छनोट भएकोमा वहाँहरुलाई हार्दिक बधाई दिदै वहाँहरुको विश्वकप तयारीका लागि भारतको सहयोग रहने विश्वास दिलाएँ । नेपालमा क्रिकेटको विकास लागि भारतको सदैव साथ रहने प्रतिवद्धता जनाएँ । https://t.co/ZsdLl2VP5m— Dr. S. Jaishankar (@DrSJaishankar) January 4, 2024
गत नोभेम्बरमा भएको टी–२० विश्वकप एसिया छनोटको सेमिफाइनल खेलमा यूएईलाई ८ विकेटले हराउँदै नेपाल विश्वकपमा छनोट भएको हो।
दस वर्षको पर्खाइपछि राष्ट्रिय क्रिकेट टोली विश्वकपमा पुगेको हो। अब नेपाल अर्को वर्ष अमेरिका र वेस्ट इन्डिजमा हुने टी–२० विश्वकपमा सहभागी हुनेछ।
Honored to engage with Hon. @DrSJaishankar, India's Minister of Foreign Affairs @IndianDiplomacy to discuss promising ties between Nepal & @BCCI within the cricket domain.Sincere gratitude for the acknowledgment & the gracious support extended towards the growth #NepalCricket. pic.twitter.com/D1Mfp8LhVq
— CAN (@CricketNep) January 4, 2024
प्रतिक्रिया