युनिकोड
सिंगापुरविरुद्ध जारी त्रिदेशीय शृंखलामा नेपाली क्रिकेट टोलीका कप्तान पारस खड्काले शानदार शतक प्रहार गरेका छन्।
पारसले छक्का प्रहार गर्दै ४९ बलमा १ सय १ रन बनाएका छन्। सो क्रममा उनले ४ चौका र ९ छक्का प्रहार गरे। त्यसअघि पारसले २९ बलमा ३ चौका र ४ छक्काको मद्दतमा अर्धशतक पूरा गरेका थिए।
पारसको शतकसँगै १५ ओभरको समाप्तिमा १ विकेट गुमाएर नेपालले १ सय ५० रन जोडेको छ।
नेपालले सिंगापुरले दिएको १ सय ५२ रनको लक्ष्य पछ्याइरहेको छ। टस जितेर ब्याटिङ गरिरहेको सिंगापुरले निधारित २० ओभरमा ३ विकेट गुमाएर १ सय ५१ रन बनाएको थियो।
उसका टिम डेविडले ४४ बलमा ६४ रनको इनिङ खेलेका थिए। उनले ३ चौका र ४ छक्का प्रहार गरे। यस्तै सिंगापुरका चन्द्र मोहनले ३५ तथा जनक प्रकाशले २५ रन जोडे।
नेपालका कारण केसीले २ तथा सुसान भारीले १ विकेट लिए। करणले ४ ओभरमा ३४ रन खर्चिए। ४ ओभर बलिङ गरेका सन्दीपले १८ रन खर्चेपनि कुनै विकेट लिएनन्।
सिंगापुर क्रिकेटले आयोजना गरेको जारी त्रिकोणात्मक शृंखलामा नेपाल, जिम्बाबे र सिंगापुर खेल्दैछन्। सबै टोलीले एक अर्काबीच दुई दुई वटा टि-२० खेल खेल्नेछन्।
प्रतिक्रिया