युनिकोड
ब्राजिलले कोपा अमेरिका फुटबल अन्तर्गत समूहको अन्तिम खेलमा इक्वेडरसँग १-१ को बराबरी खेलेको छ।
सोमबार बिहान भएको खेलमा ब्राजिलका लागि खेलको ३७ औं मिनेटमा इडर मिलिटाओले गोल गर्दै खेलमा अग्रता दिलाएका थिए। तर, खेलको ५३ औं मिनेटमा एन्जल मिनाले बराबरी गोल फर्काए।
यस बराबरीसँगै समूह ‘बी’ को ब्राजिल समूह विजेता बन्दै क्वाटरफाइनलमा प्रवेश गरेको छ। समूह चरणमा अपराजित ब्राजिलले ४ खेलमा १० अंक जोड्यो।
इक्वेडरले ४ खेलमा ३ अंक जोड्यो। इक्वेडर पनि चौंथो स्थानमा रहदै क्वाटरफाइनलमा पुगेको छ।
यस्तै अर्को खेलमा भेनेजुएलालाई १-० ले पराजित गर्दै पेरु पनि क्वार्टरफाइनलमा पुगेको छ।
पेरुको जितमा आन्द्रे कारिल्लोले ४८औं मिनेटमा निर्णायक गोल गरेका थिए। यस जितसँगै पेरु समूह ‘बी’ को उपविजेता बन्दै क्वाटरफाइनलमा पुगेको हो ।
पेरुले ४ खेलमा ७ अंक जोड्यो। भेनेजुएला भने समूह चरणबाटै बाहिरिएको छ। २ अंक जोडेको भेनेजुएला पुछारमा रह्यो।
प्रतिक्रिया