युनिकोड
मंगलबार बिहानको खेलसँगै अर्जेन्टिना र चिली क्वार्टर फाइनलमा पुगेका हुन्।
क्वार्टर फाइनल प्रवेश गर्नको लागि अर्जेन्टिनाले पाराग्वेमाथि १–० को जित निकाल्यो भने चिली र उरुग्वेले समान १–१ गोलको बराबरी खेले।
यस खेलसँगै अर्जेन्टिना ७ अंक सहित समूह एको शीर्ष स्थानमा रहँदै क्वार्टर फाइनल प्रवेश गरेको हो। चिली भने ५ अंकसहित दोस्रो स्थानमा छ।
यसअघि समूह बीबाट ब्राजिलले क्वार्टर फाइनलमा स्थान बनाइसकेको छ।
अर्जेन्टिना र पाराग्वेविरुद्धको खेलमा लियोनल मेस्सीले एउटा कीर्तिमानी पनि बनाउन सफल भएका छन्। उनी देशका लागि सर्वाधिक खेल खेल्ने खेलाडी बनेका हुन्।
मेस्सी र जाभियर मास्केरानो हाल अर्जेन्टिनाबाट सबैभन्दा बढी खेल खेल्ने खेलाडी हुन्। उनीहरुले समान १४७–१४७ खेल देशका लागि खेलेका छन्। एजेन्सी
प्रतिक्रिया