खुकुरी नेपाल सुपर लिगमा आज दुई खेल हुने

खुकुरी नेपाल सुपर लिग (एनएसएल)मा आज बुधबार दुई खेल हुँदै छ। पहिलो खेलमा आज एफसी चितवन र बुटवल लुम्बिनी एफसीबीच प्रतिस्पर्धा हुँदै छ।

खेल दशरथ रंगशालामा दिउँसो साढे २ बजे सुरु हुनेछ। बुटवल लिगमा जितको शृंखलालाई कायम राख्न चाहन्छ। बुटवलले पहिलो खेलमा पोखरा थन्डर्सलाई २–० को गोल अन्तरले हराएको थियो।

पहिलो खेलमा बराबरी गर्दै अंक बाँडेको चितवन स्पष्ट ३ अंकका लागि मैदान उत्रिनेछ। चितवनले पहिलो खेलमा ललितपुर सिटी एफसीसँग एक÷एक गोलको बराबरी गर्दै अंक बाँडेको थियो।

बुटवल ३ अंकमा तालिकाको दोस्रो स्थानमा छ भने चितवन १ अंकमा पाँचौँ स्थानमा छ।

आजै हुने दोस्रो खेलमा विराटनगर सिटी एफसी र पोखरा थन्डर्सबीच प्रतिस्पर्धा हुनेछ। खेल दशरथ रगंशालामै साँझ साढे ५ बजे हुनेछ।

पहिलो चरणको खेलमा बलियो देखिएको विराटनगर सोही लयलाई निरन्तरता दिन चाहन्छ।

विराटनगरले पहिलो खेलमा एफसी धनगढीलाई ३–० गोल अन्तरले पराजित गरेको थियो।

विराटनगर ३ अंकमा अंकतालिकाको शीर्ष स्थानमा छ। पहिलो खेलमा बुटवल लुम्बिीनी एफसीसँग पराजित भएको पोखरा भने पहिलो जितको खोजीमा हुनेछ।

अंकविहीन पोखरा तालिकाको पुछारमा छ।